TALLER DE ARTE

🕦 Os mércores de 18:00 a 19:30

🎫 35 € / mes cos materiais incluídos

🔊 O grupo comeza o 18 de setembro. Vén probar a primeira clase gratis!

Se vés con crianzas ou persoas dependentes, farémonos cargo de que estean atendidas e a gusto! (De balde para as matrocinadoras e 3€/sesión para as non matrocinadoras)

🤝🏻 Se tes dificultade para acceder ao obradoiro, contáctanos para coñecer o noso programa de bolsas.

DESCRICIÓN:

Este é un espazo para a experimentación, a indagación e a creación artística empregando diferentes ferramentas plásticas: pintura, debuxo, estampación, colaxe, escultura…

A práctica artística proponse como un percorrido onde atoparnos ou perdernos, gozar e sandar, unha aventura transformadora, un lugar diferente dende onde mirar o mundo e resituármonos nel. 

Partimos sempre das experiencias persoais, facilitando un espazo onde a expresión e a creatividade de cada persoa poida desenvolverse libremente. Tamén propoñemos procesos de reflexión e creación colectivas.

FEDRA ALCARAZ LADRERO:

Fedra Alcaraz Ladrero, Licenciada en Belas Artes, concibe a actividade artística como unha poderosa ferramenta para a transformación persoal e colectiva. Non se considera artista, pero cando está creando séntese o ser máis feliz do mundo.